When you make up your mind, no matter right or wrong, but no regret.
意大利至今累計27980宗確診，2158人死亡。
我們終於作出了抉擇。
喺忐忑無比，手背係肉手心又係肉，就算走佬都唔知返香港定意大利嘅情緒下，前晚姑拉搵我......
佢同奶奶住得好近，行路都係廿分鐘，但縱使咁近都冇得話想見就見。停工停課停收入，幾十年嚟自由自在嘅生命，突然被軟禁，同時每日都擔驚受怕奶奶會唔會有事......我確定姑拉已進入崩潰狀態，佢話佢真係好有衝動開窗跳落去(可能佢知自己住一樓所以咁講)！
我發現未經歷過沙士之痛嘅意大利人們，的確，喺呢段抗疫戰期間，因恐懼而沮喪，因害怕而抑鬱，因軟弱而失去希望。
今日，我們作出了抉擇。我哋不斷問自己究竟有冇揀錯？依家返去同一個月前去武漢冇分別......我都好想返去見我家兩寶，但意佬屋企人依家正在水深火熱之中，就算我哋返到去唔可以即刻見到奶奶或姑拉，最起碼俾佢哋知道喺佢哋最無助嘅時候，我哋會陪佢哋共渡難關。
病毒令我哋有人群恐懼症，但最令人恐懼的，莫過於自己最親嘅人，想見但見得太遲。
無論呢個選擇是對是錯，我都無悔。
我只知道，現在意佬一家好需要佢，我亦會陪住佢屋企，關關難關關關過。
奶奶，我哋好快可以再見。
P.S. : 呢個V字係為了終於過咗第一關:出境而舉的，返到去仲有好多未知之事，希望我哋都可以關關過。
#快到意大利
#莫見得太遲
#肺炎下的抉擇
#祝我們好運
#陪著你走
#一生一世也不分
Search